Վրաստանի իշխանությունները հայտարարել են, որ պատրաստ են կրկնակի ստուգել ընտրությունների ցանկացած մանրամասներ

Վրաստանի իշխանությունները պատրաստ են ստեղծել հանձնաժողով և ստուգել ամենափոքր մանրամասները բոլոր ընտրատեղամասերում՝ ընդդիմության և որոշ արևմտյան առաջնորդների ու կառույցների կողմից խորհրդարանական ընտրությունների արդյունքները կեղծելու մեղադրանքներից հետո։ Այս մասին հայտարարել է իշխող «Վրացական երազանք-Ժողովրդավարական Վրաստան» կուսակցության գործադիր քարտուղար Մամուկա Մդինարաձեն, հաղորդում է Euromedia24.com-ը։

 

Նա նաեւ ընդդիմադիր քաղաքական գործիչներին կոչ է արել ապացույցներ տրամադրել դատախազությանը, որը ԿԸՀ-ի պահանջով հետաքննություն է սկսել։ Ըստ Մդինարաձեի, պատասխանատվությունը պետք է կրեն ոչ միայն նրանք, ովքեր կարող են խախտել օրենքը, այլ նաև նրանք, ովքեր անհիմն մեղադրում են իշխանություններին հարյուր հազարավոր ձայներ կեղծելու մեջ։

 

Հոկտեմբերի 26-ին Վրաստանում խորհրդարանական ընտրություններ են անցկացվել առաջին անգամ էլեկտրոնային քվեատուփերի միջոցով։ Կենտրոնական ընտրական հանձնաժողովի տվյալներով՝ իշխող «Վրացական երազանք-Ժողովրդավարական Վրաստան» կուսակցությունն ունի 53,9%, հաղթել է և ստացել կառավարություն ձևավորելու իրավունք։ Չորս ընդդիմադիր կուսակցություններ հաղթահարել են հինգ տոկոսի արգելքը։