Հյուսիսային Կորեան հայտարարել է, որ հոկտեմբերի 31-ին գործարկել է իր նորագույն բալիստիկ հրթիռը

Հյուսիսային Կորեան հայտարարել է, որ հինգշաբթի օրը արձակել է իր նորագույն միջմայրցամաքային բալիստիկ հրթիռը (ICBM)՝ Hwasong-19: Այս մասին, Euromedia24.com-ի փոխանցմամբ, հայտնում է Yonhap գործակալությունը՝ հղում անելով Կորեայի կենտրոնական լրատվական գործակալությանը։

 

Ինչպես հայտնում է KCNA-ն, հրթիռը բարձրացել է մինչև 7687,5 կմ առավելագույն բարձրություն և անցել է ավելի քան 1 հազար կմ։

 

Ճապոնիայի պաշտպանության նախարարության տվյալներով՝ ԿԺԴՀ-ի արձակած հրթիռը թռիչքի մեջ է եղել ռեկորդային՝ 86 րոպեի ընթացքում և այս ընթացքում հասել է իր բոլոր ժամանակների առավելագույն բարձրությանը՝ ավելի քան 7 հազար կմ: Այն անցել է 1 հազար կմ տարածություն և ընկել ճապոնական Օկուշիրի կղզուց մոտ 200 կմ դեպի արևմուտք՝ Հոկայդոյի մոտ՝ Ճապոնիայի բացառիկ տնտեսական գոտուց դուրս։

 

Հոկտեմբերի 31-ին KCNA-ն հաղորդել է, որ Հյուսիսային Կորեան ICBM-ի գործարկումով «շատ կարևոր փորձարկում» է իրականացրել՝ երկրի առաջնորդ Կիմ Չեն Ընի հրամանով: