Մեծ Բրիտանիան դեռ չի բախվել Brexit-ի բոլոր հետևանքներին

Մեծ Բրիտանիան դեռ չի բախվել ԵՄ-ից իր դուրս գալու հետևանքների 60%-ին, գրում է Independent թերթը՝ հղում անելով Մեծ Բրիտանիայի ֆինանսների նախարար Թուլիփ Սիդիկին։

«Սիդիկը ասել է, որ Brexit-ի հետևանքների 60%-ը դեռ չի իրականացել»,- գրում է հրատարակությունը։

Նա ասել է, որ Մեծ Բրիտանիայի արտահանումն ու ներմուծումը, ի վերջո, 15%-ով ավելի ցածր կլինեն, եթե երկիրը մնար ԵՄ կազմում։

Պարբերականն ընդգծում է, որ Սիդիկը հիմնվել է Բյուջետային պատասխանատվության բրիտանական գրասենյակի տվյալների վրա։

Հիշեցնենք, որ 2016 թվականի հունիսին տեղի ունեցած հանրաքվեի ժամանակ բրիտանացիների 52%-ը կողմ է արտահայտվել Եվրամիությունից դուրս գալուն։ 2020 թվականի հունվարի 31-ին, տեղական ժամանակով ժամը 23:00-ին, երկիրը լքել է ԵՄ-ն 47 տարվա անդամակցությունից հետո:

Դեկտեմբերի 31-ին ավարտվեց Brexit-ից հետո անցումային շրջանը, երբ Բրիտանիայում գործում են ԵՄ բոլոր նորմերը և օրենքները, և քաղաքացիները ճանապարհորդում են պարզեցված ընթացակարգով։

2021 թվականի հունվարի 1-ից ուժի մեջ է մտել կողմերի միջև առևտրի և համագործակցության մասին համաձայնագիրը։

Financial Times-ը գրել է, որ Մեծ Բրիտանիան դադարել է լինել առևտրի կարևոր կենտրոն՝ Եվրամիությունից դուրս գալու պատճառով, ինչը զգալիորեն դժվարացրել է բրիտանական ձեռնարկություններում ներդրումները։

24news.am