Դոնալդ Թրամփը պահանջում է արդար ընտրություններ

ԱՄՆ նախագահի ընտրությունների քարոզարշավի ընթացքում Հանրապետական կուսակցության թեկնածու Դոնալդ Թրամփը կիրառում է քաղաքական տեխնոլոգիա, որը դեռ վերջերս ամերիկյան համատեքստում անտեղի էր թվում.նա հայտարարում է, որ պայքարում է արդար ընտրությունների համար:

Վերջին 20 և ավելի տարիների ընթացքում նման կարգախոսների ներքո ընդդիմադիր շարժումներ են գործում Ռուսաստանում, Ուկրաինայում, Վրաստանում, Իրանում և շատ այլ երկրներում։ Եվ այնտեղ նրանք համարվում են ժողովրդավարամետ։ Թրամփին, ընդհակառակը, մեղադրում են ժողովրդավարությունը խաթարելու ձգտման մեջ։

Բոլոր արդար ընտրությունները նման են միմյանց, Յուրաքանչյուր անազնիվ ընտրություն յուրովի անազնիվ է:

ԱՄՆ նախագահական ընտրությունները, որոնք տեղի կունենան նոյեմբերի 5-ին, ոչ միայն համաշխարհային քաղաքականության կարևորագույն իրադարձությունն են, այլև համաշխարհային գլխավոր շոուներից մեկը:

Դրանց արդյունքը, ենթադրաբար, հսկայական նշանակություն կունենա և ռուս-ուկրաինական պատերազմի, և Մերձավոր Արևելքում բազմակողմ հակամարտության, և գլոբալ տնտեսության համար։ Տարբեր երկրներում մարդիկ հաճախ ավելի լավ են հասկանում Դոնալդ Թրամփի և Կամալա Հարիսի ծրագրերն ու կերպարները, քան իրենց տանը քաղաքական գործիչների ծրագրերն ու կերպարները։

Թարգմ․ Ժաննա Պողոսյան