Կիմ Չեն Ընի քույրը մեղադրել է ԱՄՆ-ին Հյուսիսային Կորեայի դեմ միջուկային զենք կիրառելու ցանկության մեջ

Հյուսիսային Կորեայի Աշխատավորական կուսակցության կենտրոնական կոմիտեի բաժնի պետի տեղակալ և երկրի առաջնորդ Կիմ Յո Չժոնի քույրը կարծում է, որ ԿԺԴՀ-ի միջուկային ուժերի ամրապնդման գիծը ճիշտ ընտրություն է, այս մասին հայտնել Է Կորեայի կենտրոնական հեռագրական գործակալությունը։ 

Նա նշել է, որ Կորեական թերակղզում և տարածաշրջանում ուժերի հավասարակշռության խախտումը պատերազմ կնշանակի։ Կիմ Յո Չժոնը քննադատել է Հարավային Կորեայի, Ճապոնիայի և ԱՄՆ-ի վերջին զորավարժությունները: Նա հայտարարել է, որ այս տարի ԱՄՆ-ն ու նրա գործընկերներն արդեն ավելի քան 20 անգամ տարբեր ռազմական միջոցառումներ են անցկացրել Հյուսիսային Կորեայի դեմ «միջուկային զենքի կիրառման նախադրյալով»: Ավելին, անցած տարի այդ երկրներն ավելի քան 100 զորավարժություն են անցկացրել։ 

Նա նաև մատնանշել է վերջերս ԱՄՆ-ի, Ճապոնիայի և Կորեայի Հանրապետության կողմից նոյեմբերի 3-ին անցկացված համատեղ զորավարժությունները, որոնց մասնակցել են կործանիչներ և B-1B ռազմավարական ռմբակոծիչ։ Այդ զորավարժությունները, նրա խոսքով, հստակ վկայություն էին Հյուսիսային Կորեայի հակառակորդների գործողությունների թշնամական և ագրեսիվ բնույթի:

Կիմ Յո Չժոնը հավելել է, որ ԱՄՆ-ի և նրա դաշնակիցների կողմից զորավարժությունների հաճախականության աճը լուրջ սպառնալիք է խաղաղությանն ու անվտանգությանը ինչպես ԿԺԴՀ-ի, այնպես էլ ողջ տարածաշրջանի համար:

Թարգմ․ Ժաննա Պողոսյան