«Մորուքն էլ հանձնեց», «Միսիան ավարտեց», «Փաշինյանի մորուքի և 6.6.6. թվերի սիմվոլիկան». սոցցանցերում քննարկում են «սթայլիշ վարչապետի» ոճը

Վարչապետ Նիկոլ Փաշինյանն այսօր տեսանյութ տարածեց, որտեղ ներկայացավ երեսը սափրած ոճով:

«Ողջույն սպիտակամորուս»,- տեսանյութին կից գրել է Փաշինյանը: 

Այս «դարակազմիկ» երևույթը բազմաթիվ մեկնաբանությունների առիթ տվեց. սոցիալական ցանցերի օգտատերերը սկսեցին բուռն գնահատականներ տալ «սթայլիշ վարչապետին»:

«Մորուքն էլ հանձնեց», «Միսիան ավարտեց», «Թրաշվեց, որ ասի հողերը ես չեմ տվել, տվողը մորուքով էր», «Ասըմ ա Ալիև ձյա, ես էլ Մոնթեն չեմ, Չալոն եմ»,- էլ գող փիսո, էլ քաչալ շուն, էլ ինչ ասեք, որ սափրված վարչապետին չկպցրին:

Սակայն, ուշագրավ էր հատկապես փաստաբան Ռուբեն Մելիքյանի գրառումը, որն ակնարկում էր Փաշինյանի մորուքի և 6.6.6 թվերի սիմվոլիկան. «Նեռը թրաշվեց իշխանազավթումից ուղիղ 6 տարի, 6 ամիս ու 6 օր հետո (հաշվե՛ք՝ 2018-ի մայիսի 8-ից)։ 6-6-6:

ՀԳ. Չգիտեմ՝ ովա սրանց հրահանգներ տալիս, բայց որ էդ մարդը սիմվոլիկայի մեծ սիրահար ա, էդ անառարկելի փաստ ա»,- գրել է Մելիքյանը։

ԼՈւՐԵՐ.com-ը ստորև ներկայացնում է քաղվածք ֆեյսբուքյան օգտատերերի գրառումներից.