Գիտնականները նշել են զուգընկերների տարիքային «իդեալական» տարբերությունը

Հարաբերությունները կարող են հաջողակ լինել նույնիսկ տարիքային մեծ տարբերության դեպքում, եթե զուգընկերները համատեղելի են հասունության, արժեքների և կյանքի նպատակների առումով:

Ավստրալիացի գիտնականները պնդում են, որ հայտնաբերել են զույգերի տարիքային «իդեալական» տարբերությունը, սակայն հասարակական արձագանքը ցույց է տալիս, որ ոչ բոլորն են համաձայն դրա բացահայտումների հետ: Հետազոտողները պնդում են, որ տարիքային տարբերությունները ազդում են հարաբերությունների բավարարվածության վրա, մինչդեռ շատերը կարծում են, որ առանցքային գործոնը զուգընկերների հասունության մակարդակն է, գրում է Mirror-ը։

Ըստ արդյունքների՝ ամուսնական բավարարվածության ամենաբարձր մակարդակ են ցույց տալիս այն զույգերը, որոնց տարիքային տարբերությունը 1-ից 3 տարի է, իսկ տղամարդը կնոջից փոքր-ինչ մեծ է։ 4-ից 6 տարվա տարիքային տարբերությունը նույնպես ընդունելի է, սակայն նման հարաբերություններում բավարարվածությունը ժամանակի ընթացքում նվազում է։ 7 և ավելի տարվա տարիքային տարբերությամբ զույգերի համար բավարարվածության նվազման միտումն ավելի նկատելի է։

Այնուամենայնիվ, հետազոտողները նշում են. «Չնայած 1-ից 3 տարվա իդեալական տարիքային տարբերությունը տարածված է, բայց մինչև 10 տարի տարբերությամբ հարաբերությունները նույնպես կարող են հաջող լինել՝ կախված բազմաթիվ այլ գործոններից»: