Մահից առաջ երգիչ Լիամ Փեյնն իր թանկարժեք ժամացույցը նվիրել է մարմնավաճառուհիներին

Երգիչ Լիամ Փեյնի 38 հազար դոլար արժողությամբ ժամացույցն անհետացել է այն բանից հետո, երբ արտիստը շփվել է մարմնավաճառուհիների հետ։ Այս մասին, Gazeta.ru–ի փոխանցմամբ, գրում է Mirror-ը։

Մարմնավաճառներից մեկը, ում Փեյնը ողբերգությունից առաջ կանչել է արգենտինական հյուրանոցի իր սենյակ, ասել է, որ երգիչը խոստացել է իրենց վճարել 6,3 հազար դոլար։ Աղջիկներն այդպես էլ չեն ստացել իրենց գումարը, իսկ հետո, ըստ նրա, Լիամը ծնկի է իջել իրենց առջև և սեր է խոստովանել, որից հետո խոստացել է իրենց Rolex ժամացույց նվիրել։

Այդ պահին էլ ժամանել է երգչի ընկերը՝ նախկին մենեջեր Ռոջեր Նորեսը և փորձել «կարգավորել իրավիճակը», հավելել են աղջիկները։ Քառասուն րոպե անց Լիամը հյուրանոցի իր սենյակի պատշգամբից ընկել է երրորդ հարկ։ Վճարելու փորձերի և ողբերգության միջև ընկած ժամանակահատվածում աղջիկներից մեկը վերադարձել է սենյակ, ինչպես ինքն է ասել, մոռացված կոսմետիկայի հետևից։

Լիամին կյանքի վերջին օրը տեսել են Rolex ժամացույցով, սակայն ընկնելուց հետո նրա մոտ այդ աքսեսուարը չի հայտնաբերվել։

Թեև կանայք, որոնց անունները ոստիկանները չեն բացահայտում, համարվում են վկաներ, այլ ոչ թե կասկածյալներ, սակայն գործով նրանք փաստաբան են վարձել։

One Direction խմբի նախկին անդամ, երգիչ Լիամ Փեյնը մահացել է հոկտեմբերի 17-ի գիշերը Բուենոս Այրեսում։ Նա ընկել է հյուրանոցի երրորդ հարկից, իսկ նրա սենյակում թմրանյութ է հայտնաբերվել։ Ողբերգությունից առաջ հյուրանոցի աշխատակիցները բողոքել են արտիստի  ոչ պատշաճ պահվածքից։