Բրիտանուհին ցանկանում է համաշխարհային սեքս-ռեկորդ սահմանել՝ 24 ժամում քնելով հազար տղամարդու հետ

Պոռնոաստղը ցանկանում է համաշխարհային սեքս-ռեկորդ սահմանել՝ 24 ժամում նախատեսելով քնել հազար տղամարդու հետ։

Բրիտանացի պոռնոաստղ Լիլի Ֆիլիպսը վերջերս սկսել է «տարվա ռեկորդային իրադարձության» հայտեր ընդունել, որը պետք է տեղի ունենա հունվարին։

Ընթացիկ ռեկորդակիրը Լիզա Սփարքսն է, մեծահասակների համար ֆիլմերի աստղը, որը քնել է 919 տղամարդու հետ մեկ օրում Լեհաստանում, սեքս-ինդուստրիայի միջոցառման ժամանակ 2004թ.։ Այդ ժամանակ Սփարքսն ասել էր, որ «հիացած էր, բայց հետո մի ամբողջ շաբաթ ցավ է զգացել»։

23-ամյա Ֆիլիպսը հայտնել է, որ «մարզվել» է մի քանի ամիս, որպեսզի ֆիզիկապես պատրաստ լինի այդ փորձությանը։

Սակայն բժիշկ Զակ Թըրները նախազգուշացրել է, որ «ծայրահեղության հասնող» այդ ակտիվությունը կարող է բացասական ազդեցություն ունենալ օրգանիզմի վրա։ «Սեքսն ըստ էության ֆիզիկական բարդ գործունեություն է, որը գործի է դնում տարբեր մկաններ, սիրտ-անոթային համակարգը եւ էնդորֆին է արձակում»,- ասել է նա news.com.au-ին։ «Եթե չափավոր զբաղվես, դա նման է օգտակար մարզման, այն նպաստում է սթրեսը վերացնելուն, սիրտ-անոթային համակարգի եւ հուզական կապի ամրապնդմանը։ Բայց եթե այն հասցնես ծայրահեղության, օրինակ, 24-ժամյա սեքսուալ մարաթոնի, ֆիզիկական եւ ֆիզիոլոգիական հետեւանքները կարող են լուրջ լինել»։

Իր ինքնանկարագրած ֆիզիկական պատրաստումների շրջանակում Ֆիլիպսը զբաղվել է սեքսով մեծ քանակությամբ եւ աստիճանաբար ավելացրել թվաքանակը։ Նրա խոսքով՝ նա քնել է 101 տղամարդու հետ 14 ժամում, եւ նախատեսում է ավելացնել այդ թիվը 300-ի։ Ընդ որում, նա խոստովանել է, որ դա «ծանր աշխատանք» է։ «Եթե խոսենք ամենօրյա աշխատանքի, օրինակ, օֆիս գնալու մասին, ապա 101 տղամարդու հետ քնելը շատ ավելի բարդ է»։