Բժիշկը նշել է վաղ փուլում քաղցկեղի հիմնական նշանները

Ռուսաստանի գիտությունների ակադեմիայի ակադեմիկոս, թերապևտ Օքսանա Դրապկինան ասել է, որ քաղցկեղի ախտանշանները կախված են ուռուցքի տեսակից և դրա տեղակայումից։  «Доктор Питер»–ի հետ զրույցում բժիշկը նշել է քաղցկեղի վաղ փուլին բնորոշ հիմնական ախտանիշները։

Ըստ Դրապկինայի՝ քաշի անբացատրելի կորուստը կարող է վկայել քաղցկեղի մասին: Նա խորհուրդ է տվել դիմել բժշկին, եթե մարդը կորցրել է իր քաշի առնվազն հինգ տոկոսը՝ առանց ուտելու սովորությունները փոխելու կամ մարզվելու:

Բացի այդ, քաղցկեղի ախտանիշ կարող է լինել մշտական ​​հոգնածությունը, որի հաղթահարմանը չի օգնում նույնիսկ հանգիստը, ցավոտ հազը, որի ժամանակ չկան սուր շնչառական վիրուսային վարակի այլ ախտանիշներ, կուլ տալու հետ կապված խնդիրներ և քրոնիկ ցավեր, որոնց պատճառը կապտուկները, ցնցումները կամ վնասվածքները չեն։

Դրապկինան քաղցկեղի այլ հնարավոր նշաններ է անվանել՝ մեծացած ավշային հանգույցները, խալերի արտաքին տեսքի փոփոխությունները կամ մաշկի վրա նոր գոյացությունների ի հայտ գալը, ինչպես նաև աղեստամոքսային տրակտի և միզակապության հետ կապված խնդիրներ՝ այրոց, փորկապություն, լուծ, միզելու հաճախակի ցանկություն, այս պրոցեսի ցավոտություն, մեզի գույնի փոփոխություն, կանանց մոտ ցիկլից դուրս հեշտոցային արյունահոսություն, կղանքի կամ մեզի մեջ արյուն:

Դրապկինան պարզաբանել է, որ մեկ կամ մի քանի ախտանիշների ի հայտ գալը միշտ չէ, որ վկայում է քաղցկեղի մասին, սակայն բժշկի հետ խորհրդակցելու լավ պատճառ է։