Այսօր դատարանը ևս երեք ամսով երկարացրեց «ՔՊ-ի դեմ ահաբեկչության» գործով կալանավորված Գագիկ Սարգսյանի կալանքը․ Արամ Սարգսյան (տեսանյութ)
ԲլոգոսֆերաԱրամ Սարգսյանը ֆեյսբուքյան էջում գրել է․
«Սիրելի ընկերներ, ԶԼՄ-ների հարգելի գործընկերներ, տեղեկացնում եմ, որ «ՔՊ-ի դեմ ահաբեկչության» գործով կալանավորված Գագիկ Սարգսյանն արդեն 10 ամիս գտնում է կալանքի մեջ։ Այսօր դատարանը ևս երեք ամսով երկարացրեց նրա կալանքը` մերժելով պաշտպանի միջնորդությունը` փոխել խափանման միջոցը տնային կալանքի։
Ասեմ ավելին, դատարան էին եկել մի խումբ մտավորականներ, մշակույթի ու արվեստի վաստակավոր գործիչներ, որոնք ստորագրությամբ երաշխավորեցին Գագիկ Սարգսյանի պատշաճ վարքագիծը այլընտրանքային խափանման միջոցի կիրառման պարագայում։ Դատարան կոչված երևույթը նույնիսկ հարկ չհամարեց անդրադառնալ այս պատվարժան մարդկանց միջնորդությանը։ Փաստաբանների ոչ մի փաստարկ հաշվի չառնվեց։ Մեղադրողի փաստարկներն ուղղակի ծիծաղելի էին։ Ասումա` եթե կալանքը փոխենք` կարողա «խոչընդոտի» դատաքննությանը, ազդի տուժողների, վկաների, նույնիսկ մյուս մեղադրյալների վրա։ Պաշտպանն ասումա` գործով տուժող, ըստ էության, չկա, վկաների ցուցմունքներում Գագիկ Սարգսյանին վերաբերելի բան չկա, հետևաբար իմաստ չկա նրանց վրա ազդելու, մեղադրյալների հետ էլ եթե համաձայնության գալու ցանկություն լիներ, կարելի էր դա անել փաստաբանների միջոցով։ Չնայած էս ամենին` դատավորը վճռեց, որ «խոչընդոտելու ռիսկը մեծ է»։ Ինչո՞վ է դա հիմնավորված` էդպես էլ չլսեցինք։ Անկեղծ ասած` ես էս դատական պրոցեսից բան չհասկացա։ Սա ֆարս ա, ոչ թե դատարան։ Ես չգիտեմ` նման դատարան ու դատաիրավական համակարգ ունեցող պետությունը քանի՞ տարի կարող է գոյատևել երկրի վրա։
Ստորև ներկայացնում եմ պաշտպան Մկրտիչ Դավթյանի մեկնաբանությունն էսօրվա նիստի վերաբերյալ։ Շնորհակալ եմ Yerkir.am-ի գործընկերներին լուսաբանման համար»։
Ամենադիտված 
«Դե գնա․․․»․ ռուս հաղորդավարուհու արձագանքը՝ Ռուսաստանին ուղղված Ալիևի պահանջներին (տեսանյութ)
