Այն իշխանությունը, որը չունի հավասարակշռող ընդդիմություն, դատապարտված է. Արա Պողոսյան

Քաղաքագետ Արա Պողոսյանը գրում է.

«Պետության և պետականության պաշտպանության լավագույն միջոցը բալանսն է` հավասարակշռումը։
Հավասարակշռելով արտաքին քաղաքականությունը, հնարավորություն ես ստանում զբաղվել ներքին խնդիրները լուծելով։

Հավասարակշռելով ռազմական կարողությունները քո տարածաշրջանում, հնարավորություն ես ստանում խաղաղության միջավայրում աշխատելու և զարգանալու։

Հավասարակշռելով տնտեսական հարաբերությունները, հնարավորություն ես ստանում զարգացնել քո տնտեսությունը, օգտագործելով բոլոր ուղիները։

Հավասարակշռելով արդյունաբերական համալիրը, հնարավորություն ես ստանում միջազգային տնտեսական հարաբերություններում առաջարկ կատարելու և սեփական պահանջարկը ձևակերպելու։

Հավասարակշռելով քո երկրի քաղաքական համակարգը, հնարավորություն ես ստանում ապահովել քաղաքական սերնդափոխության հարթ և անցնցում ընթացք։ Հնարավորություն ես ստանում իշխանության փոփոխության մեկ և օրինական ճանապարհ ունենալու, որը կդարձնի կանխատեսելի քո երկրի վարքագիծը, քաղաքական փոփոխություններն ու դրանց ազդեցությունը միջազգային հարաբերությունների վրա։

Այն իշխանությունը, որը չունի հավասարակշռող ընդդիմություն, դատապարտված է...»։