Թեյլոր Սվիֆթը դարձել է 21-րդ դարի ամենահաջողակ արտիստը

Երգչուհի Թեյլոր Սվիֆթը դարձել է 21-րդ դարի ամենահաջողակ կատարողը՝ ըստ Billboard երաժշտական ​​ամսագրի։

Վարկանիշը կազմվել է երկու հիմնական չարթերի՝ Billboard Hot 100–ի և Billboard 200–ի ցուցիչների հիման վրա: Հաշվարկներն իրականացվել են 2000 թվականից մինչև 2024 թվականն ընկած ժամանակահատվածի համար: Սվիֆթը ունեցել է 14 թիվ մեկ ալբոմ, ինչը ռեկորդ է կին արտիստի համար: Իսկ արտիստի ստեղծագործություններից 12-ը գլխավորել են Hot 100 հիթ շքերթը:

Վարկանիշի երկրորդ տեղում է ռեփեր Դրեյքը, իսկ լավագույն եռյակը եզրափակել է երգչուհի Ռիհաննան։ Լավագույն 10-յակում են հայտնվել նաև Լեդի Գագան, Բրիթնի Սփիրսը, Քանյե Ուեսթը, Ջասթին Բիբերը, Արիանա Գրանդեն և Ադելը։ Բեյոնսեն, ով 2024 թվականին գլխավորել է Billboard-ի նմանատիպ ցուցակը, վարկանիշային աղյուսակում զբաղեցրել է միայն յոթերորդ տեղը։