Թրամփը կարգադրել է ավելացնել անօրինական ներգաղթյալների ձերբակալությունների թիվը
ԱՄՆ
ԱՄՆ նախագահ Դոնալդ Թրամփը հրամայել է Ներգաղթի և մաքսային ծառայությանը ագրեսիվ կերպով ավելացնել անօրինական ներգաղթյալների ձերբակալությունների թիվը։ Այս մասին հայտնում է Washington Post թերթը։
Նշվում է, որ քվոտաները սահմանվել են հունվարի 25-ին՝ բարձրաստիճան պաշտոնյաների հետ հանդիպման ժամանակ։ Նրանց ասվել է, որ կառավարիչները պատասխանատվության կենթարկվեն հանձնարարվածը չկատարելու համար:
Ոստիկանությունը պետք է օրական բերման ենթարկի մինչև 1200-1500 միգրանտի։ Թրամփը նաև ակնկալում է, որ ռեյդերներն ու ձերբակալությունները կիրականացվեն շուրջօրյա, և սպաները կհրաժարվեն արձակուրդից, ասվում է հոդվածում:
Թրամփը նաև հրամայել է ներքին անվտանգության հետաքննությունների բաժնին ուշադրությունը հակաահաբեկչությունից և թմրամիջոցների ապօրինի շրջանառությունից տեղափոխել ներգաղթի կիրառման վրա:
ՈՒՂԻՂ ԵԹԵՐ
Ամենադիտված 
Պլանային ջրանջատում․ տասնյակ հասցեներում ջուր չի լինի
