ԱՄՆ-ում ավտոմեքենան մխրճվել է ֆուտբոլասերների ամբոխի մեջ
ԱՄՆ
Ֆիլադելֆիայում ավտոմեքենան մխրճվել է Philadelphia Eagles-ի երկրպագուների ամբոխի մեջ։ Այս մասին հայտնում է NBC News-ը։
«Միջադեպը տեղի է ունեցել այն ժամանակ, երբ երկրպագուները տոնում էին Eagles-ի հաղթանակը Վաշինգտոնի նկատմամբ և նրանց առաջխաղացումը դեպի Super Bowl», - ասվում է հայտարարության մեջ:
Վթարը տեղի է ունեցել Բրոդ փողոցի խաչմերուկում, որտեղ երկրպագուները ավանդաբար հավաքվում են՝ նշելու Philadelphia Eagles-ի հաղթանակները։
Վթարի հետևանքով՝ մի քանի մարդ վիրավորվել է։ Զոհերի ստույգ թիվը դեռ հայտնի չէ։ Իրավապահները պարզում են դեպքի բոլոր հանգամանքները։ Նրանք ենթադրում են, որ ավտոմեքենան կարող է պատահաբար մխրճված լինել ամբոխի մեջ։ Ոստիկանությունը նաև հայտնել է, որ վարորդը բերման է ենթարկվել:
