Կադիրովի ընտանիքին պատկանող վիլլաներ են հայտնաբերվել Դուբայում

Չեչնիայի ղեկավարի զարմիկը՝ Շախրուդդի Էդիլգիրիևը, ունի չորս շքեղ առանձնատուն Դուբայում՝ ընդհանուր առմամբ ավելի քան 20 միլիոն դոլար արժողությամբ, հայտնում է MT-ն։

Լրագրողների կողմից ձեռք բերված տեղեկությունների համաձայն՝ Էդիլգիրիևն իր առաջին վիլլան գնել է «Zabeel Investment»-ից 2022 թվականի դեկտեմբերին։ Գույքն ունի 1026քմ մակերես։ 

Էդիլգիրիևը գնել է տուն, որը վարձով է տրվել հյուրերին, ովքեր փնտրում են «շքեղություն, հարմարավետություն և բացառիկ գաղտնիություն»:

Իր հետաքննության ընթացքում «Ուկրաինսկայա պրավդան» ավելի վաղ գրել էր, որ Կադիրովն այս վիլլան օգտագործում էր որպես Չեչնիայի «ոչ պաշտոնական դեսպանատուն» մոտավորապես 2014 թվականից։

Այս տանը բնակվել է նաև Չեչնիայի Հանրապետության ղեկավարի այն ժամանակվա ներկայացուցիչը արաբական և մահմեդական երկրներում՝ Կադիրովի մեկ այլ զարմիկ՝ Թուրկո Դաուդովը։ Ինչպես իր զեկույցում գրել է Միացյալ ծառայությունների թագավորական ինստիտուտը, վերջինիս ջանքերի շնորհիվ է, որ մերձավորարևելյան երկրները չեն միացել Ռուսաստանի դեմ ուկրաինական պատերազմի համար սահմանված պատժամիջոցներին։