Reuters. Բունդեսթագի բյուջեի հանձնաժողովը 3 միլիարդ եվրո է փնտրում Ուկրաինայի համար
Աշխարհ
Բունդեսթագի բյուջետային հանձնաժողովը նախատեսում է հավանություն ստանալ Ուկրաինային ռազմական օգնության համար 3 միլիարդ եվրոյի չափով լրացուցիչ միջոցներ հատկացնելու համար։ Lurer.com-ի հաղորդմամբ՝ այս մասին հունվարի 29-ին հայտնել է Reuters գործակալությունը՝ վկայակոչելով աղբյուրներ։
«Գերմանիայի բյուջետային կոմիտեն կոչ է արել ֆինանսների նախարար Յորգ Կուկիսին հաստատել լրացուցիչ ռազմական օգնություն Ուկրաինային 3 միլիարդ եվրոյի չափով»,- ասվում է հրապարակման մեջ։
Հանձնաժողովի անդամների խոսքով՝ խնդրանքը հավանության է արժանացել պահպանողական Քրիստոնեա-դեմոկրատական միության (CDU) և Գերմանիայի Ազատ դեմոկրատական կուսակցության (FDP) ներկայացուցիչների կողմից, ովքեր նշել են, որ երկրի բյուջեն բավարար միջոցներ ունի Կիևին այս օգնության համար։ Միաժամանակ Գերմանիայի սոցիալ-դեմոկրատական կուսակցությունը (SPD) և Կանաչների կուսակցությունը ձեռնպահ են մնացել քվեարկությունից։
Կոմիտեն չի կարող որոշում կայացնել Ուկրաինային լրացուցիչ օգնության մասին առանց ֆինանսների նախարարի հավանության, պարզաբանել է գործակալությունը։ Գործնականում, սակայն, նախարարությունը սովորաբար կատարում է կոմիտեի կողմից հաստատված հարցումները:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
