Վրաստանի նախագահն օկուպանտ է անվանել Ռուսաստանին
Աշխարհ
Վրաստանի նախագահ Միխեիլ Կավելաշվիլին պաշտոնը ստանձնելուց հետո իր առաջին միջազգային հարցազրույցն է տվել շվեյցարական Neue Zürcher Zeitung թերթին։
Ինչպես գրում է «Էխո Կավկազա»-ն, պատասխանելով Մոսկվայի հետ հարաբերությունների մասին հարցին, Կավելաշվիլին ասել է, որ «Ռուսաստանը օկուպացրել է վրացական տարածքները», իսկ երկրների միջև դիվանագիտական հարաբերություններ չկան, այլ միայն՝ տնտեսական։
«Մեր հիմնական քաղաքականությունը խաղաղության քաղաքականությունն է։ Մեր եղբայրներն ու քույրերը՝ աբխազներ և օսեր, ապրում են օկուպացված տարածքներում։ Մենք կարծում ենք, որ օկուպացիան ժամանակավոր է։ Հույս ունենք, որ ապագայում Վրաստանը կդառնա միասնական և զարգացած պետություն»,- ասել է Վրաստանի նախագահը։
Ըստ Կավելաշվիլիի՝ նա ցանկանում է լինել «բոլոր քաղաքացիների նախագահ», կառավարությունը «խոհեմ է վարվում», իսկ ճգնաժամը երկրում «արհեստականորեն է ստեղծվել»։
Հատկանշական է, որ Վրաստանում ընդդիմությունը, Թբիլիսիի արևմտյան գործընկերները, այդ թվում՝ ԱՄՆ և հավաքական Եվրոպան խստորեն քննադատում են հանրապետության ներկայիս իշխանություններին հենց ռուսամետ քաղաքականության և եվրատլանտյան կողմնորոշումից ետ կանգնելու համար:
ՈՒՂԻՂ ԵԹԵՐ
Ամենադիտված 
Սպասվում է ձյուն, բուք
