Լավրովի հետ հանդիպման մասին Ռուբիոն պատմել է Բրիտանիայի, Իտալիայի, Գերմանիայի և Ֆրանսիայի արտգործնախարարներին

ԱՄՆ պետքարտուղար Մարկո Ռուբիոն Մեծ Բրիտանիայի, Գերմանիայի, Իտալիայի և Ֆրանսիայի արտաքին գործերի նախարարությունների ղեկավարներին, ինչպես նաև ԵՄ արտաքին գործերի և անվտանգության քաղաքականության հարցերով բարձր ներկայացուցչին տեղեկացրել է ՌԴ արտգործնախարար Սերգեյ Լավրովի հետ իր բանակցությունների մասին։ Ինչպես փոխանցում է ТАСС-ը՝ այս մասին ասված է Պետդեպարտամենտի մամուլի ծառայության ղեկավար Թեմմի Բրյուսի հայտարարության մեջ։

«Քարտուղարը արտաքին գործերի նախարարներին տեղեկացրել է (Ռիադում ռուսական պատվիրակության հետ) հանդիպման մասին: Խումբը համաձայնել է սերտ կապի մեջ մնալ, քանի որ մենք աշխատում ենք Ուկրաինայում հակամարտության տեւական ավարտին հասնելու համար», - ասվում է երեքշաբթի հրապարակված հայտարարության մեջ:

Թարգմանությունը՝ Lurer.com-ի