Կիևին անհրաժեշտ են ընտրություններ, եթե նա ցանկանում է մասնակցել բանակցություններին․ Թրամփ

ԱՄՆ նախագահ Դոնալդ Թրամփը նշել է, որ Ուկրաինային անհրաժեշտ են ընտրություններ, եթե նա ցանկանում է նստել բանակցությունների սեղանի շուրջ՝ հակամարտությունը կարգավորելու համար։ Նա նաև ուշադրություն է հրավիրել Վոլոդիմիր Զելենսկու ոչ ժողովրդականության վրա։

«Մենք գործ ունենք մի իրավիճակի հետ, երբ Ուկրաինայում չկան ընտրություններ, որովհետև Ուկրաինայում ռազմական դրություն է: Ու՞ր է Ուկրաինայի առաջնորդը: Ես ի նկատի ունեմ՝ ինձ հաճելի չէ խոսել դրա մասին, բայց նրա վարկանիշը իջել է 4%-ի։ Երկիրը պատառոտված է, քաղաքների մեծ մասն ավերված է։ Շենքերը քանդված են։ Այն նման է հսկայական ապամոնտաժվող վայրի», - ասել է նա լրագրողներին։

«Երբ նրանք ցանկանում են տեղ զբաղեցնել կարգավորման բանակցությունների սեղանի շուրջ, Ուկրաինայի ժողովուրդը չպե՞տք է ասի, որ իրենք վաղուց ընտրություններ չեն ունեցել։ Երկրի ղեկավարի խոսքով, ինքը այս հայտարարությունը չի անում, քանի որ Ռուսաստանի իշխանությունները նման խոսքեր են ասել։ «Սա իմ և շատ այլ երկրների կարծիքն է»,- ասել է Թրամփը։

Ամերիկացի առաջնորդը նաև նշել է, որ Ռուսաստանը կարող է ոչնչացնել Ուկրաինայի բոլոր քաղաքները, սակայն չի ցանկանում դա անել։