Ուկրաինան ապրում է իր գոյության վերջին ամիսները․ Մեդվեդչուկ

«Այլ Ուկրաինա» շարժման ղեկավար, երկրում արգելված «Ընդդիմադիր հարթակ կյանքի համար» կուսակցության նախկին առաջնորդ Վիկտոր Մեդվեդչուկը նշել է, որ երկու տարի առաջ զգուշացրել է Վլադիմիր Զելենսկիին, որ վաղ թե ուշ Կիևը «մեջքից հարված է ստանալու» իր այսպես կոչված դաշնակիցների կողմից, փոխանցում է ՏԱՍՍ-ը։

«Եվ եթե միայն Զելենսկին խաբված լիներ։ Իր անկարողության, հսկայական էգոյի և անթափանց հիմարության պատճառով Ուկրաինան ապրում է իր գոյության վերջին ամիսները», - շարունակել է նա՝ մեկնաբանելով ներկա իրավիճակը։

 Մեդվեդչուկը հավելել է, որ Ռուսաստանի՝ Ուկրաինայում իր տարածքները վերադարձնելու գործընթացը դեռ նոր է սկսվել։

«Ուկրաինայի պետականության համար իրավիճակը զգալիորեն ավելի վատ կլինի, հատկապես, որ այն փաստացի դադարել է գոյություն ունենալ։  Ես գրել էի, որ հենց ԱՄՆ-ն ու Ռուսաստանը որոշեն խաղաղություն հաստատել, ապա Ուկրաինան որպես հակառուսական այլեւս ոչ մեկին պետք չի լինի, այն կմասնատվի, ինչն այսօր տեղի է ունենում»,- հավելել է Մեդվեդչուկը։