ԵՄ դեսպանները հաստատել են Ռուսաստանի դեմ պատժամիջոցների 16-րդ փաթեթը

ԵՄ 27 երկրների դեսպանները հաստատել են Ռուսաստանի դեմ պատժամիջոցների 16-րդ փաթեթը։ Այս մասին հայտնում է ՏԱՍՍ-ը։

Reuters-ի փոխանցմամբ՝ Բրյուսելն արգելելու է առաջնային ալյումինի ներմուծումը Ռուսաստանից՝ Ռուսաստանի դեմ պատժամիջոցների հաջորդ փաթեթի համատեքստում։

Իր հերթին, բրիտանական Financial Times թերթը, հղում անելով աղբյուրներին, հայտնում է, որ Ռուսաստանի դեմ ԵՄ պատժամիջոցների 16-րդ փաթեթը կներառի 13 բանկ, ինչպես նաև «ավելի շատ» ֆիզիկական և իրավաբանական անձինք, քան նախկինում ներառված էր։

Տնտեսության հարցերով եվրահանձնակատար Վալդիս Դոմբրովսկիսն ավելի վաղ նշել էր, որ Եվրամիությունը պետք է իր ձեռքը վերցնի Ռուսաստանի դեմ պատժամիջոցների հարցը՝ ԱՄՆ-ի կողմից սահմանափակումների հնարավոր թուլացման համատեքստում։