Ֆիլիպոն նշել՝ ինչ է շահում Մակրոնը Պուտինի հետ առճակատումից

Ֆրանսիայի նախագահ Էմանուել Մակրոնի հայտարարությունները Ռուսաստանից Եվրոպային ենթադրյալ «էկզիստենցիալ սպառնալիքի» մասին հակասում են Վաշինգտոնի և Մոսկվայի միջև երկխոսության ձևավորվող ընթացքին և ուղղված են առճակատման շարունակմանը։ Այս մասին հայտարարել է ֆրանսիական «Հայրենասերներ» կուսակցության առաջնորդ Ֆլորիան Ֆիլիպոտը, գրում է ՏԱՍՍ-ը։

«Մակրոնն իր հարցազրույցում ասում է, որ Ռուսաստանը մեզ համար «էկզիստենցիալ սպառնալիք» է ներկայացնում: Այդպիսով նա մեզ բաժանում է աշխարհի ձևավորվող կուրսից՝ խաղաղությունից, երկխոսությունից և բարգավաճումից: Եվ հետո նա հրավիրեց քաղաքական կողմերին՝ իր հետ հանդիպման ժամանակ քննարկելու այդ հարցը: Նա ակնհայտորեն պատերազմ է ուզում»,- գրել է Ֆիլիպոն X-ում:

Ֆիլիպոտի խոսքով, ֆրանսիացի առաջնորդը պահպանում է առճակատման կուրս «մի շարք պատճառներով»։

Նա ենթադրել է, որ դրանցից մեկը կարող է լինել իր լիազորությունները ևս մեկ ժամկետով երկարացնելու ցանկությունը՝ օգտվելով աշխարհում ստեղծված բարդ իրավիճակից։

 «Ինչպես Զելենսկին, որն արդեն մեկ տարի է, ինչ չի ընտրվում»,- հավելել է քաղաքական գործիչը։