Զելենսկին անլուրջ է համարում Թրամփի 500 միլիարդ դոլար վերադարձնելու պահանջը

ԱՄՆ նախագահ Դոնալդ Թրամփի պահանջը, որ Ուկրաինան վերադարձնի ԱՄՆ կառավարության կողմից իր վրա ծախսված 500 միլիարդ դոլարի միջոցները, լուրջ խոսակցություն չէ։ Այս մասին Կիևում կայացած մամուլի ասուլիսում հայտարարել է Վլադիմիր Զելենսկին, գրում է ՏԱՍՍ-ը։

«Մենք պետք է կարգավորենք այս օգնությունը, մենք բոլորովին այլ թվեր ունենք: Պատերազմը մեզ արժեցավ 320 միլիարդ դոլար: Ուկրաինան ծախսել է 120 միլիարդ դոլար, ԱՄՆ-ն և ԵՄ-ն՝ 200 միլիարդ դոլար, սա զենքի փաթեթն է: Ընդհանուր առմամբ, ԱՄՆ-ն մեզ ավելի քան 67 միլիարդ դոլարի զենք է տվել և 31,5 միլիարդ դոլարի ուղղակի օգնություն բյուջեին», ասել է նա: