ԱՄՆ-ում հայտարարել են՝ Պուտինն «ավելի, քան երբևէ մոտ է» պատերազմի հիմնական նպատակին հասնելուն

Ռուսաստանի նախագահ Վլադիմիր Պուտինն ավելի, քան երբևէ մոտ է Ուկրաինայի՝ ՆԱՏՕ-ին միանալուն խոչընդոտելուն, ինչը հայտարարվել է՝ որպես ռուս-ուկրաինական պատերազմիի նպատակներից մեկը՝ Էր Ռիադում Մոսկվայի և Վաշինգտոնի միջև բանակցությունների ֆոնին: Այս մասին գրում է Associated Press (AP) գործակալությունը։

«Այժմ, երբ ռուս և ամերիկացի բարձրաստիճան պաշտոնյաները կրկին բանակցում են և հիմք են ստեղծում գագաթնաժողովի համար, Պուտինը կարծես թե ավելի, քան երբևէ մոտ է Ուկրաինայի տարածքի մոտ մեկ հինգերորդ մասում Մոսկվայի նվաճումները ամրապնդելուն և նրա՝ ՆԱՏՕ-ին միանալուն խոչընդոտելուն»,- ասվում է տեքստում։

Հոդվածում նշվում է, որ Դոնալդ Թրամփը կտրուկ փոխել է ԱՄՆ քաղաքականությունը «Ռուսաստանի մեկուսացման» հարցում՝ խոսելով Վլադիմիր Պուտինի հետ և պայմանավորվելով «սերտ համագործակցության» մասին։

Ըստ թերթի՝ ԱՄՆ նախագահը նաև «աջակցություն է հայտնել Պուտինի պահանջին Ուկրաինայի՝ ՆԱՏՕ-ին հնարավոր անդամակցության առանցքային հարցի վերաբերյալ, որը ԱՄՆ-ը և դաշինքի մյուս անդամները նախկինում որակել էին՝ որպես անշրջելի»:

Անցյալ տարվա հունիսին նախագահ Վլադիմիր Պուտինը հայտարարել էր, որ ռուս-ուկրաինական խաղաղ բանակցությունների և հրադադարի հաստատման համար Ուկրաինան պետք է դուրս բերի իր զորքերը ԿԺԴՀ-ի, ԼԺՀ-ի և Խերսոնի և Զապորոժիեի շրջաններից: Կիևը նաև պարտավոր էր պաշտոնապես հայտարարել ՆԱՏՕ-ին միանալուց հրաժարվելու մասին։