ԱՄՆ-ը Ուկրաինայի՝ ՆԱՏՕ-ում ընդգրկվելը դիտարկում է՝ որպես նրա անվտանգության երաշխիք․ NBC
Աշխարհ
ԱՄՆ-ը դիտարկում է Ուկրաինայի հակամարտության կարգավորման խաղաղ համաձայնագրում կետ ներառելու հնարավորությունը երկրին ՆԱՏՕ-ին ավտոմատ կերպով անդամակցելու մասին, եթե Ռուսաստանը խախտի այս փաստաթղթի պայմանները։ Այս մասին հայտնում է NBC հեռուստաալիքը՝ վկայակոչելով ամերիկացի պաշտոնյաներին։
«Անվտանգության երաշխիքներից մեկը, որը Միացյալ Նահանգները դիտարկում է՝ որպես խաղաղության համաձայնագրի մաս, Ուկրաինային ՆԱՏՕ-ին ավտոմատ կերպով անդամակցելն է, եթե Ռուսաստանը խախտի համաձայնագիրը»,- ասվում է հոդվածում։
Նախօրեին Ուկրաինայի նախագահ Վոլոդիմիր Զելենսկին հայտարարել է, որ Ուկրաինան պետք է անվտանգության երաշխիքներ ստանա ԱՄՆ-ից հազվագյուտ հողային մետաղներ տրամադրելու դիմաց։ Նրա խոսքով՝ Ուկրաինան և Եվրոպան պետք է մասնակցեն հակամարտության կարգավորման բանակցային գործընթացին։
ՌԴ նախագահ Վլադիմիր Պուտինը բազմիցս կարծիք է հայտնել, որ Ուկրաինայի անդամակցությունը ՆԱՏՕ-ին կարող է վտանգ ներկայացնել Ռուսաստանի Դաշնության անվտանգությանը։ Նրա խոսքով՝ հենց այս սպառնալիքն է դարձել հատուկ ռազմական գործողության մեկնարկի պատճառներից մեկը։
ՈՒՂԻՂ ԵԹԵՐ
Ամենադիտված 
Ադրբեջանցի կապիտանը կեղծ անվան տակ փորձել է Հայաստանում կարևոր նշանակության օբյեկտների դրոնով արված կադրեր ստանալ (տեսանյութ)
