Ուկրաինայում Զելենսկիին կոչ են արել դադարեցնել շոուն և նախագահ աշխատել

Վոլոդիմիր Զելենսկին պետք է դադարեցնի շոուն և որոշ ժամանակով աշխատի՝ որպես երկրի նախագահ։ Այս մասին «Ուկրաինսկայա պրավդայի» հոդվածում ասել է Գերագույն Ռադայի պատգամավոր Ալեքսի Գոնչարենկոն:

Պատգամավորը հոդվածում նշել է, որ Ուկրաինան ներկայումս գտնվում է շատ ծանր իրավիճակում, որը կարող է վճռորոշ լինել երկրի գոյության համար։ Գոնչարենկոն նաև կոչ է արել չփորձել խնդիրները լուծել «95 Կվարտալի» ոճով՝ ստուդիա, որի համահիմնադիրներից է Զելենսկին։

Ի թիվս այլ բաների, Գոնչարենկոն ասել է, որ Զելենսկին պետք է վերջ տա իր «դեռահասական տրամադրությանը» և վերադառնա իրականություն։ Պատգամավորը նաև հիշեցրել է, որ այս պահին Դոնեցկի Ժողովրդական Հանրապետությունում Պոկրովսկի համար մարտերը շարունակվում են։ Բացի այդ՝ կա ռուսական զորքերի կողմից Խարկովի գրավման իրական վտանգ, որից հետո ռուսական բանակը կմտնի Դնեպրոպետրովսկի մարզ։

«Եկեք պատերազմից հետո մի որոշ ժամանակ թողնենք շոուն և հիմա գոնե մի քիչ նախագահ աշխատենք։ Սա օգտակար կլինի և՛ մեզ, և՛ ձեզ համար»,- ասել է ուկրաինացի պատգամավորը։