Բեսենտը հաստատել է Ուկրաինայում հակամարտությունը լուծելու Թրամփի մտադրությունը

Ամերիկյան նոր վարչակազմը վճռական է տրամադրված Ուկրաինայի հակամարտության կարգավորմանը հասնելու հարցում: Հունգարիայի արտաքին գործերի նախարար Պետեր Սիյարտոյի խոսքով, այս մասին չորեքշաբթի օրը Վաշինգտոնում կայացած հանդիպման ժամանակ իրեն ասել է ԱՄՆ ֆինանսների նախարար Սքոթ Բեսենտը, հայտնում է ՏԱՍՍ-ը։

«Սքոթ Բեսենտը հաստատել է, որ ողջ վարչակազմը և ինքը՝ նախագահ Դոնալդ Թրամփը, անում են հնարավոր ամեն ինչ՝ Ուկրաինայում պատերազմը որքան հնարավոր է շուտ ավարտելու համար։ Սա լավագույն նորությունն է Հունգարիայի համար, քանի որ դրա պատճառով Հունգարիան արդեն երեք տարի ուղղակիորեն բախվում է լուրջ դժվարությունների»,- ասել է ԱԳՆ ղեկավարը M1 հեռուստաալիքին տված հարցազրույցում։

Նա նշել է, որ Բեսենտի հետ հանդիպմանը քննարկել է նաև ուկրաինական հակամարտության կարգավորման և Հունգարիայի և ԱՄՆ-ի տնտեսական հարաբերությունների զարգացման արդյունքում Ռուսաստանի դեմ պատժամիջոցների վերացման հնարավորությունը։