Հոգեբանը պատմել է, թե ինչու է իրականում Մորգենշտերնը փոխել իր իմիջը

Մորգենշտերնը, որը ճանաչվել է օտարերկրյա գործակալ ՌԴ-ում, արդեն մի քանի ամիս վերականգնողական կենտրոնում է․ նա զղջում է անցյալի համար և ցանկանում է սկսել նոր կյանք։ Վերջերս նա հեռացրել է դեմքի դաջվածքները՝ հույս ունենալով վերափոխվել։ Սակայն հոգեբան Կատերինա Ռուբլևան համոզված է, որ արտաքին փոփոխությունները չեն երաշխավորում ներքին փոփոխություն։ Նրա կարծիքով, արտիստը տարիներ շարունակ ուշադրություն է գրավել էպատաժային վարքագծով՝ գուցե թաքցնելով անվստահությունը։ 

Դաջվածքների հեռացումը պարզապես արտաքին քայլ է, բայց առանց հոգեբանական խնդիրների լուծման փոփոխություններն ընդամենը մակերեսային կլինեն։ Իրականում նրա դիմակի տակ թաքնված է մի մարդ, որն այդ քայլով փորձում է նոր կյանք սկսել։ Հոգեբանի կարծիքով միայն պրոֆեսիոնալ հոգեբանների հետ աշխատանքը կարող է օգնել արտիստին։