ԱՄՆ-ը Ուզբեկստանին կտեղեկացնի իր քաղաքացիների արտաքսման մասին
Աշխարհ
Ուզբեկստանի և ԱՄՆ-ի իշխանությունները համաձայնություն ունեն, ըստ որի՝ ամերիկյան կողմը օպերատիվ կերպով տեղեկացնելու է ուզբեկական կողմին Ուզբեկստանի քաղաքացիների արտաքսման ցանկացած դեպքի մասին։ Այս մասին հայտնել է Ուզբեկստանի արտաքին գործերի նախարարության մամուլի քարտուղար Ախրոր Բուրխանովը, փոխանցում է Euromedia24-ը։
«Վաշինգտոնում Ուզբեկստանի դեսպանությունը և Նյու Յորքում մեր երկրի գլխավոր հյուպատոսությունը երկար տարիներ սերտորեն համագործակցում են ԱՄՆ համապատասխան իրավապահ մարմինների հետ՝ ապահովելու Ուզբեկստանի քաղաքացիների անվտանգ արտաքսումը իրենց հայրենիք։ Մեր պայմանավորվածությունների համաձայն՝ ամերիկյան կողմը մեզ անհապաղ կտեղեկացնի մեր քաղաքացիների արտաքսման ցանկացած դեպքի մասին։ Ձևավորված պրակտիկայի համաձայն՝ մեր քաղաքացիները հայրենիք են վերադառնում Նյու Յորք-Տաշքենդ երթուղով»,- գրել է նա Telegram-ի ալիքում։
«Մենք վերահսկում ենք Ուզբեկստանի քաղաքացիների հնարավոր արտաքսումը այլ երկրներ: Այդ կապակցությամբ մեր դիվանագիտական ներկայացուցչությունները տեղեկատվություն են խնդրել Ամերիկայի կողմից այլ երկրներ արտաքսելու հնարավորության մասին: Բացի այդ, դիվանագիտական ուղիներով կապեր են հաստատվել»:


















































Ամենադիտված
Ադրբեջանցի կապիտանը կեղծ անվան տակ փորձել է Հայաստանում կարևոր նշանակության օբյեկտների դրոնով արված կադրեր ստանալ (տեսանյութ)