Լավրովը ամենափորձառու դիվանագետն է․ ՆԱՏՕ-ի նախկին գլխավոր հրամանատար

Ռուսաստանի արտգործնախարար Սերգեյ Լավրովը բանակցությունների մեծ փորձ ունի և միշտ անզիջում պաշտպանում է իր երկրի շահերը։ Նման կարծիք է հայտնել ՆԱՏՕ-ի նախկին գերագույն հրամանատար, ԱՄՆ ռազմածովային ուժերի պաշտոնաթող ծովակալ Ջեյմս Ստավրիդիսը, գրում է ՏԱՍՍ-ը։

«Այն ժամանակ ես Ռամսֆելդի գլխավոր օգնականն էի, Ռուսաստանում և Եվրոպայում մի քանի անգամ հանդիպել եմ Լավրովին, նա բարձրահասակ է, տպավորիչ, վարժ խոսում է անգլերեն և շատ կոշտ բանակցող է։ Այս ամենը մի անգամ ասաց ինձ Ռամսֆելդը Մյունխենում առանձնապես բարդ զրույցից հետո: Եվ դա հաճոյախոսություն չէր», - գրել է Ստավրիդիսը Bloomberg-ի կարծիքի բաժնում՝ մեկնաբանելով Էր Ռիադում Ռուսաստանի և ԱՄՆ-ի միջև բանակցությունների արդյունքները և նշելով ռուսական պատվիրակության մաս կազմող քաղաքական գործիչների մեծ փորձը:

Ինչպես նշում է Եվրոպայում ՆԱՏՕ-ի նախկին հրամանատարը, Ռուսաստանն ու Միացյալ Նահանգները, չնայած իրենց տարաձայնություններին, «քննարկեցին, թե ինչպես կարող են համագործակցել շատ ոլորտներում՝ թմրանյութերի և ահաբեկչության դեմ պայքարում, սպառազինությունների վերահսկման ոլորտում և նույնիսկ Աֆղանստանում»։