Գերմանիայում հայտնել են՝ «որքան գումար են ծախսել» Ուկրաինայի վրա
Աշխարհ
Գերմանիան 40 միլիարդ եվրո է ծախսել Ուկրաինային տրամադրվող օգնության վրա։ Այս մասին իսպանական El País թերթին տված հարցազրույցում ասել է Գերմանիայի Դաշնային կանցլերության ղեկավար, հատուկ հանձնարարությունների նախարար Վոլֆգանգ Շմիդտը։
Նա ընդգծել է, որ Գերմանիան այն երկիրն է, որն ամենամեծ օգնությունն է ցուցաբերել Ուկրաինային։
«Մենք ավելի քան 40 միլիարդ եվրո ենք ծախսել»,- ասել է նա։
Շմիդտը նշել է, որ նույնիսկ այնպիսի հարուստ երկրի համար, ինչպիսին Գերմանիան է, նման միջոցներ հայթայթելը «լուրջ մարտահրավեր» է։
«Իշխանական կոալիցիայում կոնսենսուս չի եղել Ուկրաինային աջակցելու համար նոր վարկեր օգտագործելու հնարավորության վերաբերյալ»,- հավելել է նա։
Շմիդտը նաև ասել է, որ չի կարելի բառացիորեն ընդունել այն ամենը, ինչ ասում է ԱՄՆ նախագահ Դոնալդ Թրամփը։ Պատասխանելով Վաշինգտոնի ու Մոսկվայի մերձեցման մասին հարցին՝ նախարարը եվրոպական երկրներին կոչ է արել համատեղ գործել։ Նրա կարծիքով, Եվրոպան պետք է պնդի, որ նստի բանակցությունների սեղանի շուրջ։
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
