ԱՄՆ-ում չեն բացառել՝ կարող են թուլացնել հակառուսական պատժամիջոցները

ԱՄՆ պետքարտուղար Մարկո Ռուբիոն չի բացառել՝ կարող են թուլացնել հակառուսական պատժամիջոցները, եթե Ռուսաստանը սկսի Վաշինգտոնի նախընտրելի քայլեր ձեռնարկել։ Այս մասին հայտնում է The New York Times-ը՝ վկայակոչելով եվրոպացի դիվանագետների հետ Ռուբիոյի զրույցի մասին տեղեկությունը։

Ռուբիոն ասել է, որ ԱՄՆ-ը չի չեղարկի Ռուսաստանի դեմ պատժամիջոցները, քանի դեռ Մոսկվայի վարքագիծը էականորեն չփոխվի։ Միևնույն ժամանակ, ԱՄՆ պետքարտուղարը բացառել է որոշ պատժամիջոցների թուլացման հնարավորությունը, եթե Ռուսաստանը սկսի քայլեր ձեռնարկել, որոնց ձգտում է ԱՄՆ վարչակազմը։

Ռուբիոն նախօրեին ասել էր, որ ԱՄՆ-ը կպահպանի Ռուսաստանի դեմ պատժամիջոցները, քանի դեռ համաձայնություն ձեռք չի բերվել դադարեցնել Ուկրաինայում շարունակվող հակամարտությունը։ Ըստ Bloomberg-ի՝ Ռուբիոն մի խումբ եվրոպացի գործընկերների վստահեցրել է, որ Ռուսաստանի դեմ պատժամիջոցները «ժամանակից շուտ» չեն հանվի։