Ուկրաինայում ռուսական երգերը կարող են արգելվել

Ուկրաինայում ռուսալեզու երգերի արգելման պահանջով խնդրագիրը հավաքել է անհրաժեշտ 25 000 ստորագրություն։ Այժմ երկրի կաբինետը պետք է դիտարկի դա, գրում է ՌԻԱ Նովոստին։

Խնդրագիրը փետրվարի 17-ին հրապարակվել է Ուկրաինայի կառավարության կայքում։ Դրա հեղինակն առաջարկել է արգելափակել ռուսերեն, այդ թվում՝ ուկրաինացի կատարողների երգերը Apple Music-ի, Spotify-ի և այլ սթրիմինգային ծառայություններում:

«Ռուսալեզու երաժշտությունը կարող է կրել գաղափարներ և հաղորդագրություններ, որոնք վնասակար են ուկրաինական ինքնությանը և բացասական վերաբերմունք են ձևավորել Ուկրաինայի նկատմամբ»,- ասվում է միջնորդագրում։

Հեղինակը նաև պնդում է, որ ռուսալեզու երաժշտություն լսելը «ֆինանսավորում է ագրեսորին»։ Նա կարծում է, որ ռուսերենով երգերի արգելումը չի սահմանափակի ուկրաինացիների ընտրության ազատությունը, քանի որ նրանք կարող են վայելել այլ լեզուներով ստեղծագործություններ, ինչը նոր հնարավորություններ կբացի «այլ ժողովուրդների երաժշտությունը ճանաչելու համար»։