ՄԱԿ-ում մտահոգված են Իրանի և ԱՄՆ-ի հարաբերությունների վատթարացմամբ
Աշխարհ
ՄԱԿ-ը մտահոգված է Իրանի և ԱՄՆ-ի միջև լարվածության աճով և հույս ունի, որ կողմերը կկարողանան համաձայնեցնել անուղղակի բանակցությունների անցկացումը` միջնորդների օգնությամբ: Այս մասին ճեպազրույցի ժամանակ հայտարարել է ՄԱԿ-ի գլխավոր քարտուղարի ներկայացուցիչ Ստեֆան Դյուժարիկը: Հայտնում է ՏԱՍՍ-ը։
«Մենք ակնհայտորեն անհանգստացած ենք ԱՄՆ-ի և Իրանի միջև աճող լարվածությամբ: Մենք նաեւ դրական արձագանքեցինք այն լուրերին, որ երրորդ կողմի օգնությամբ անուղղակի բանակցությունների հնարավորություն կա։ Մենք հույս ունենք, որ ի դեմս երրորդ երկրի միջնորդի օգտագործման հնարավորությունը կիրագործվի», - ասել է նա։
Ավելի վաղ Իրանի արտգործնախարարության խոսնակ Էսմայիլ Բաղայը հայտարարել էր, որ Վաշինգտոնը դրականորեն կպատասխանի միջնորդների միջոցով բանակցություններին։ Դիվանագետի խոսքով, եթե խորհրդակցություններ սկսվեն, ամենայն հավանականությամբ, որպես միջնորդ հանդես կգա Օմանը։
ՈՒՂԻՂ ԵԹԵՐ
Ամենադիտված 
Ադրբեջանցի կապիտանը կեղծ անվան տակ փորձել է Հայաստանում կարևոր նշանակության օբյեկտների դրոնով արված կադրեր ստանալ (տեսանյութ)
