Ադրբեջանի և Իսրայելի ԱԳ նախարարները քննարկել են Հարավային Կովկասում իրավիճակը

Կայացել է Ադրբեջանի և Իսրայելի արտգործնախարարների հանդիպումը, սոցցանցում գրել է Իսրայելի արտգործնախարար Գեդեոն Սաարը։

Հանդիպմանը, ի թիվս այլ հարցերից, քննարկվել են Հարավային Կովկասի տարածաշրջանում հետպատերազմյան իրավիճակը, ինչպես նաև խաղաղության օրակարգը, Ադրբեջանի և Հայաստանի միջև հարաբերությունների կարգավորման գործընթացը, այդ թվում՝ խաղաղ գործընթացում առկա խնդիրները։

Իսրայելցի նախարարի խոսքով, Ադրբեջանի և Իսրայելի հարաբերություններն ընդլայնվում են և ընդգրկում են ռազմավարական, դիվանագիտական, տնտեսական, էներգետիկ և այլ ասպեկտներ։

«Մենք շարունակելու ենք ամրապնդել դրանք»,– հավելել է Գեդեոն Սաարը։