Չեխիան Ուկրաինային է հանձնել խորհրդային ժամանակաշրջանի իր վերջին տանկերը

Չեխիան Ուկրաինային է հանձնել T-72M1 օգտագործման համար նախատեսված վերջին տանկերը։ Այս մասին հայտնել է չեխական Hospodarske noviny հրատարակությունը։

Հրատարակության համաձայն՝ Չեխիան մինչև 2022 թվականի սկիզբն ուներ 86 նման մեքենա, մարտի վերջին կամ ապրիլի սկզբին դրանցից վերջին երկու տասնյակն ուղարկվել է Ուկրաինա։

«Կարող եմ միայն ասել, որ բազայում ոչ մի T-72M1 չի մնացել»,- հրատարակությանը հայտնել է աղբյուրը։

Միաժամանակ, նշվում է, որ պահեստում դեռ կա երեսուն T-72M4CZ տանկ։ Դրանց հիմնանորոգման համար զգալի միջոցներ են հատկացվել, սակայն մեքենաների վիճակն այնքան վատ է, որ Չեխիայի պաշտպանության նախարարությունը դրանք համարում է «անպետք»։

Հրատարակությունը նշում է, որ ի սկզբանե դիտարկվել է նրանց՝ Ուկրաինա ուղարկելու հնարավորությունը։