ԵՄ-ն համաձայնել է էներգառեսուրսների և մաքսատուրքերի վերաբերյալ Թրամփի պահանջներին

Եվրոպան պատրաստ է ավելացնել ամերիկյան հեղուկ գազի գնումները՝ լարվածությունը թուլացնելու համար։ Այս մասին The Financial Times-ին տված հարցազրույցում ասել է էներգետիկայի և բնակարանային հարցերով եվրահանձնակատար Դան Յորգենսենը։

«Մենք մեծ ծավալներով գազ գնելու ներուժ ունենք ԱՄՆ-ից, բայց մենք պետք է այն գնենք այնպիսի պայմաններով, որոնք չեն խանգարի մեր անցմանը կանաչ տնտեսության»,- ասել է Յորգենսենը։

Ինչպես պարզաբանել է եվրահանձնակատարը, Եվրոպային դեռևս անհրաժեշտ են էներգիայի վերականգնվող աղբյուրներ, որոնք պետք է ապահովեն էներգակիրների գների իջեցում և ռուսական հումքի վերջնական մերժում։ Յորգենսենը հավելել է, որ Եվրամիությունը կարող է օգուտ քաղել համաշխարհային շուկաներում ԱՄՆ նախագահ Դոնալդ Թրամփի մաքսային քաղաքականության պատճառով առաջացած քաոսից։