Իսրայելը շնորհակալություն է հայտնել Ադրբեջանին՝ «կարևոր բանակցությունների» համար

Իսրայելի վարչապետի գրասենյակը հայտարարություն է հրապարակել, որում հաստատել է՝ Ադրբեջանում տեղի ունեցած բանակցությունները Թուրքիայի ներկայացուցիչների հետ։

«Վարչապետ Բենիամին Նեթանյահուի գլխավորությամբ, Ազգային անվտանգության շտաբի պետ Ցաչի Հանեգբիի գլխավորած քաղաքականության և անվտանգության հարցերով պատվիրակությունը, որին մասնակցել են Պաշտպանության նախարարության և անվտանգության մարմինների բարձրաստիճան ներկայացուցիչներ, երեկ երեկոյան հանդիպել է թուրքական պատվիրակության հետ», - ասվում է պաշտոնական հաղորդագրության մեջ։

«Իսրայելը շնորհակալություն է հայտնում Ադրբեջանին և նախագահ Իլհամ Ալիևին կարևոր բանակցություններ կազմակերպելու համար։ Բանակցությունների ընթացքում կողմերից յուրաքանչյուրը ներկայացրել է իր շահերը տարածաշրջանում, և որոշվել է շարունակել երկխոսության ուղին՝ կայունությունն ու անվտանգությունը պահպանելու համար», - հայտնել է Նեթանյահուի գրասենյակը։