Հաագայում չեն դատի Պուտինին քանի դեռ նա նախագահ է․ Euronews

Ուկրաինայի դեմ ագրեսիայի հանցագործության հարցերով հատուկ տրիբունալը, ինչպես սպասվում է, կտեղակայվի Հաագայում (Նիդեռլանդներ): Հատուկ տրիբունալը հեռակա կարգով չի դատի Վլադիմիր Պուտինին այնքան ժամանակ, քանի դեռ նա մնում է Ռուսաստանի Դաշնության նախագահ: Նույն դրույթը տարածվելու է նաև Ռուսաստանի վարչապետ Միխայիլ Միշուստինի և Ռուսաստանի արտգործնախարար Սերգեյ Լավրովի վրա: Այս մասին Euronews-ի հետ զրույցում հայտնել են գործընթացին ծանոթ երկու եվրոպացի պաշտոնյաներ։

Ըստ պաշտոնյաների՝ քրեական հետապնդումը կթույլատրվի միայն այն դեպքում, եթե մեղադրյալները ֆիզիկապես ներկա լինեն դատարանի դահլիճում, ինչը քիչ հավանական է՝ հաշվի առնելով, որ Ռուսաստանը Ուկրաինա ներխուժումը չի ճանաչում որպես հանցագործություն և վճռականորեն դեմ է Արևմուտքի հետ համագործակցությանը: Որպես տարբերակ՝ հեռակա դատաքննություն կարող է անցկացվել միայն Պուտինի՝ նախագահի պաշտոնից հեռանալուց հետո։