Ռուսաստանցիների քանի տոկոսն է վստահում Պուտինին․ հարցում

Հարցված ռուսաստանցիների մեծամասնությունը (մոտ 80%) ասել է, որ վստահում է ՌԴ նախագահ Վլադիմիր Պուտինին։ Այս մասին են վկայում «Հասարակական կարծիք» հիմնադրամի հարցման արդյունքները, որն անցկացվել է ապրիլի 4-6-ը 1500 քաղաքացիների շրջանում, ասվում է սոցիալական ծառայության պաշտոնական կայքում տեղադրված հաղորդագրության մեջ։

«Ռուսների 80%-ը վստահություն է հայտնել Վլադիմիր Պուտինին, իսկ բնակչության մեծամասնությունը վստահ է, որ նա լավ է կատարում իր աշխատանքը՝ որպես պետության ղեկավար»,- ասվում է հիմնադրամի հայտարարության մեջ։

Հարցման մասնակիցների 56%-ը դրական է գնահատել կառավարության աշխատանքը։ Մասնակիցների 60%-ը կարծիք է հայտնել, որ նախարարների կաբինետի ղեկավար Միխայիլ Միշուստինը լավ է կատարում իր աշխատանքը։