ԱՄՆ-Կանադա սակագների շուրջ բանակցությունները կսկսվեն մայիսին. Կանադայի վարչապետ

Կանադայի կառավարությունը մայիսի սկզբին բանակցություններ կսկսի ԱՄՆ նախագահ Դոնալդ Թրամփի վարչակազմի հետ մաքսատուրքերի քաղաքականության շուրջ։ Այս մասին կաբինետի կոմիտեի նիստից հետո հայտարարել է Կանադայի վարչապետ Մարկ Քարնին։

Նրա խոսքով, հանդիպման ընթացքում ծավալվել է երկար ու բովանդակալից քննարկում։

Մասնավորապես, քննարկվել է վերջին շաբաթվա ընդհանուր իրավիճակը, Թրամփի սակագնային քաղաքականությունը և այլ երկրների, այդ թվում՝ Չինաստանի արձագանքները։

«Մենք քննարկել ենք մեր պատասխանը այս մաքսատուրքերին, մեր հիմնական ռազմավարությունը՝ ապահովելու, որ կանադացիների ընտրած հաջորդ կառավարությունը լավագույն դիրքում է՝ բանակցություններ վարելու ԱՄՆ-ի հետ, որը մենք պայմանավորվել ենք ԱՄՆ Դոնալդ Թրամփի հետ սկսել մայիսի սկզբին»,- ասել է Քարնին։