Ուկրաինան մտադիր է ստեղծել Patriot ՀՕՊ-ի իր սեփական անալոգը

Ուկրաինան աշխատում է Patriot զենիթահրթիռային համակարգի սեփական անալոգի ստեղծման վրա, հայտարարել է Ուկրաինայի ռազմավարական արդյունաբերության նախարար Գերման Սմետանինը։

«Patriot հակաօդային պաշտպանության համակարգի անալոգները ուկրաինական տարածքում դեռ չկան, սակայն մեր պաշտպանական արդյունաբերությունն ունի համապատասխան նախագիծ, և մենք աշխատում ենք դրա վրա»,- ասել է նա, մեջբերում է РБК-Украина-ն։

Նախարարը նշել է, որ Ուկրաինան բանակցություններ է վարում արտասահմանյան արտադրողների հետ, այդ թվում՝ ԱՄՆ-ում, Ուկրաինայի տարածքում նման համակարգերի արտադրությունը մասնակի տեղայնացնելու հնարավորության շուրջ։