Հութիները ամերիկյան MQ-9 ԱԹՍ են խոցել

Շիա ռազմաքաղաքական «Անսար Ալլահ» շարժումը (հութիներ), որը կառավարում է Եմենի հյուսիսը, հայտարարել է, որ խոցել է ամերիկյան MQ-9 հետախուզական անօդաչու թռչող սարքը երկրի հյուսիս-արևմուտքում, որն արդեն ԱՄՆ չորրորդ անօդաչու սարքն է, որ խոցվել է Եմենի տարածքում երկու շաբաթվա ընթացքում:

«ԱՄՆ թշնամական MQ-9 անօդաչու թռչող սարքը խոցվել է Հաջջա նահանգի օդային տարածքում թշնամական առաքելություններ իրականացնելիս», - ասվում է հութիների զինված ուժերի՝ Եմենի Al Masirah-ին տված հաղորդագրության մեջ։

Նշվում է, որ անօդաչու թռչող սարքը խոցվել է տեղական արտադրության «երկիր-օդ» հրթիռով։

«Սա արդեն չորրորդ անօդաչու թռչող սարքն է, որը ոչնչացվել է այս կերպ վերջին երկու շաբաթվա ընթացքում»,- նշել են հութիների զինված ուժերը։