Պետդուման առաջարկել է տասնապատկել ամուսնալուծության համար պետական տուրքը
Աշխարհ
Ռուսաստանում ամուսնալուծությունների թիվը նվազեցնելու համար անհրաժեշտ է մեծացնել ամուսնալուծության ժամկետը, ինչպես նաև բարձրացնել պետական տուրքը։ aif.ru-ի հետ զրույցում նման կարծիք է հայտնել Պետդումայի պատգամավոր Վիտալի Միլոնովը։
«Ամուսնալուծությունների ժամկետը պետք է ավելացվի առնվազն երեք ամսով։ Այդ դեպքում ավելի քիչ զգացմունքային որոշումներ կլինեն»,- կարծում է խորհրդարանականը։
Պատգամավորը կարծում է, որ երեք ամիսը բավարար ժամանակ է, որպեսզի ամուսինները մտափոխվեն ամուսնությունը լուծարելու մասին։
Միլոնովը նաև առաջարկել է պարտադիր հոգեթերապիա ներդնել ամուսնու և կնոջ միջև կոնֆլիկտները լուծելու համար, որից հետո ամուսինները կհասկանան, որ «ամուսնալուծությունը լուծում չէ»։
Ներկայումս ամուսնությունը լուծելիս՝ յուրաքանչյուր ամուսին պարտավոր է վճարել 5000 ռուբլի պետական տուրք, իսկ ամուսնալուծության ընթացակարգը տևում է 30 օր։
ՈՒՂԻՂ ԵԹԵՐ
Ամենադիտված 
Բացահայտվել է ջուր խմելու ընդհանուր սխալը
