ԵՄ-ն գտել է Ռուսաստանի դեմ պատժամիջոցների վերաբերյալ Հունգարիայի վետոն շրջանցելու միջոց

ԵՄ-ն Ռուսաստանի դեմ պատժամիջոցների վերաբերյալ Հունգարիայի վետոն շրջանցելու միջոց է գտել։ Ըստ որի՝ սահմանափակումների սահմանման մասին որոշումը կկայացվի ոչ թե համաեվրոպական, այլ ազգային մակարդակով, գրում է Politico եվրոպական պարբերականը՝ հղում անելով իր աղբյուրներին։

«Վեց դիվանագետներ հաստատել են, որ առնվազն կես տասնյակ մայրաքաղաքներ համատեղ ջանքեր են գործադրում Ռուսաստանի նկատմամբ համաեվրոպական պատժամիջոցները ներքին օրենսդրության մեջ ներառելու համար», - ասվում է նյութում: Դա կարող է զրկել Բուդապեշտին եվրոպական պատժամիջոցները արգելափակելու հնարավորությունից, որոնց երկարաձգման համար պահանջվում է դաշինքի միաձայն աջակցությունը յուրաքանչյուր վեց ամիսը մեկ:

Նշվում է, որ նման քայլը դիտարկող երկրների թվում կան պետություններ, որոնք նախկինում դժկամությամբ սահմանափակումներ են մտցրել: Մասնավորապես, խոսքը Բելգիայի և Չեխիայի մասին է։ «Մենք բոլորս՝ անդամ պետություններն ու ինստիտուտները, պետք է հասկանանք, որ հնարավոր է՝ պատժամիջոցները չերկարաձգվեն։ Մենք պետք է համոզվենք, որ պատժամիջոցների ամբողջ ռեժիմը կայուն է», - ասել է դիվանագետներից մեկը՝ անանունության պայմանով։