Կիմ Չեն Ընը հսկայական ռազմանավ է կառուցում

Հյուսիսային Կորեայի նախագահ Կիմ Չեն Ընը նավատորմի ներկայիս ռեկորդակիր ռազմանավից երկու անգամ մեծ ռազմանավ է կառուցում: Հետաքրքրական է, որ արևմտյան լրատվամիջոցները վստահ են՝ «դա անհնար կլիներ՝ առանց Ռուսաստանի օգնության»։ Այս դիրքորոշումը կիսում են եվրոպական բազմաթիվ աղբյուրներ։

Gazeta.Pl հրատարակության համաձայն՝ եթե հաղորդագրությունները այն զենքի մասին, որով կհամալրվի նավը, իրականություն դառնան, դա կարող է արմատապես փոխել անվտանգության իրավիճակը տարածաշրջանում։

Աղբյուրը հայտնում է, որ արբանյակային նոր լուսանկարները ցույց են տալիս, որ Հյուսիսային Կորեան մինչ օրս իր ամենամեծ ռազմանավը կառուցելու գործընթացում է։ Նավը կունենա մոտ 140 մետր երկարություն, ինչը կարող է երկու անգամ մեծ լինել Կիմ Չեն Ընի նավատորմի ներկայիս ամենամեծ նավից:

Ապրիլի 6-ի լուսանկարները ցույց են տալիս նավի վրա զենքի և այլ ներքին համակարգերի շարունակական տեղադրումը, որը, հավանաբար, կառավարվող հրթիռային ֆրեգատ է, որը կարող է հրթիռներ կրել ուղղահայաց արձակման խողովակներով: