Թրամփը կարող է այս ամռանը հայտարարել ԱՄՆ Կենտրոնական բանկի նախագահի թեկնածուի մասին

ԱՄՆ նախագահ Դոնալդ Թրամփը կարող է այս ամռանը որոշում կայացնել Դաշնային պահուստային համակարգի (ծառայում է՝ որպես երկրի կենտրոնական բանկ-խմբ․) նոր նախագահի պաշտոնի թեկնածուի վերաբերյալ։ Այս մասին հայտնել է The Wall Street Journal-ը՝ հղում անելով աղբյուրներին։

Պարբերականը նշում է, որ Թրամփը պատրաստակամություն է հայտնել մինչև սեպտեմբեր կամ հոկտեմբեր հայտարարել ԴՊՀ-ի ներկայիս ղեկավար Ջերոմ Փաուելի իրավահաջորդի անունը։ Սակայն «ԱՄՆ նախագահի զայրույթը Փաուելի նկատմամբ» Սպիտակ տան ղեկավարին կստիպի դա անել ավելի վաղ։

Պարբերականը ընդգծում է, որ ԴՊՀ-ի ղեկավարի պաշտոնի համար դիտարկվող թեկնածուների թվում են համակարգի կառավարիչների խորհրդի նախկին անդամ Քևին Ուորշը, ԱՄՆ ֆինանսների նախարար Սքոթ Բեսենթը, Սպիտակ տանը Ազգային տնտեսական խորհրդի ղեկավար Քևին Հասեթը, Համաշխարհային բանկի նախկին նախագահ Դեյվիդ Մալփասը և ԴՊՀ-ի ղեկավար կոմիտեի անդամ Քրիստոֆեր Ուոլլերը։