Իրանը կարող է արագ ստեղծել միջուկային ռումբ

Իրանը ունակ է շատ կարճ ժամկետում կառուցել փոքր ծավալի ուրանի հարստացման գործարան և անցնել միջուկային զենքի արտադրությանը։ Այս մասին զգուշացնում է ամերիկյան Defense News պարբերականը՝ հղում անելով փորձագետներին։

ԱՄՆ նախկին հետախուզական վերլուծաբան Էրիկ Բրյուերը նշել է, որ հավանաբար արդեն 60%-ով հարստացված նյութը դուրս է բերվել Ֆորդոյից և տեղափոխվել բեռնատարով։ Նրա խոսքով՝ Իրանը նաև կարող էր տեղափոխել հարստացման համար անհրաժեշտ ցենտրիֆուգներ՝ առանց ՄԱԿ վերահսկողության։

Բրյուերի գնահատմամբ՝ այն հանգամանքը, որ բոլոր նյութերն ու սարքավորումները մնում են Իրանի հսկողության տակ, Տեհրանին տալիս է «հստակ հնարավորություն գաղտնի ծրագրի վերագործարկման և ռումբի ստեղծման համար»։