ԵՄ բնակչությունը մեկ տարում ավելացել է մեկ միլիոնով

2025 թվականի հունվարի 1-ի դրությամբ Եվրամիության բնակչությունը կազմել է 450,4 միլիոն մարդ: Այս մասին վկայում է պաշտոնական կայքում հրապարակված Եվրոստատի զեկույցը։

Տարվա ընթացքում այս ցուցանիշն աճել է 1,07 միլիոնով: Աճը գրանցվել է չորրորդ տարին անընդմեջ: Դրանից առաջ՝ 2021 թվականին, բնակչությունը նվազում էր. դինամիկայի վրա ազդել է COVID-19 համավարակը: Մասնագետները ներկայիս աճը բացատրում են միգրացիայի աճով: Երկարաժամկետ հեռանկարում՝ 1960 թվականից ի վեր, ԵՄ բնակչությունն աճել է գրեթե 96 միլիոն մարդով։

ԵՄ երկրների շարքում Գերմանիան դեռևս ամենամեծ բնակչությունն ունի՝ 83,6 միլիոն բնակիչ: Նրան հաջորդում են Ֆրանսիան (մոտ 67 միլիոն) և Իտալիան (մոտ 59 միլիոն): Այս երեք երկրները միասին կազմում են ԵՄ բնակչության գրեթե կեսը։

Տարվա ընթացքում առավելագույն աճը գրանցվել է Մալթայում, Իռլանդիայում և Լյուքսեմբուրգում: Միևնույն ժամանակ, թվերի նվազում նկատվել է Լատվիայում, Հունգարիայում և Էստոնիայում: